Sipas një studimi është zbuluar se qeni e lehtëson ndjenjën e vetmisë tek të moshuarit, por përgjegjësia për t'u kujdesur për ‘mikun më të mirë të njeriut’ mund të jetë shumë e vështirë për disa.
Tani, studiuesit kanë krijuar një qen robotik “emocional”, i cili i jep fund këtij problemi. I quajtur MiRo, roboti biomimetik mund të bëjë një shok i mirë për të moshuarit. Ai është i pajisur me sensorë të ndryshëm që do të thotë se mund të ‘ndiejë’ një goditje në kokë ose mbrapa, dhe madje edhe të tundë bishtin kur ndihet i lumtur.
Krijuar nga shkencëtarët në Universitetin Sheffield, MiRo (që është shkurtim i shkurtër për 'robot mimik') besohet të jetë roboti i parë biomimetik komercial në botë. Ai gjithashtu ka kamera ‘inteligjente’ stereo të vendosura te sytë që e lejojnë të njohë njerëzit dhe të ndjekë lëvizjet e tyre.
Hunda e tij ka një sensor sonar (hidrolokator) që do të thotë se mund të ndiejë se ku është dhe nëse ka ndonjë pengesë përpara. MiRo mund të përdoret për të bërë telefonata ose për të aktivizuar alarmin në raste aksidenti.
